يعقوب Podcasty

نسولف عن AI: The Somnium Files، Monster Hunter World: Iceborne وعن غابات السويد كل هذا وعادل يطلب عشا ويشتري أغراض من الجمعية.

نجرب طريقة تسجيل جديدة وحنا نجهز سيرفر الDiscord الخاص فينا. المفروض جودة الصوت احسن من اول... صح؟

نسولف عن انطباعاتنا عن بعض الالعاب الي انعرضت بمعرض طوكيو للالعاب ويسولف لنا حمد عن متحف نينتندو في السويد مع بعض الالعاب الي لعبناها بالفترة الماضية.

نسولف عن باقي المؤتمرات مثل سكوير اينكس و يوبيسوفت ونينتندو لنختم انطباعاتنا الأولية لمؤتمر E3 لهالسنة. نتمنى انكم استمتعتم معنا.

انطباعات سريعة عن مؤتمرات مايكروسوفت، بيثيزدا وديفولفَر ديجيتال.

نسولف عن شنو أكثر الأشياء الي متحمسين نشوفها بمعرض E3 لهالسنة ونعطي بعض التوقعات بخصوص عروض مايكروسوفت وسكوير اينكس وغيرهم عالسريع. راح نحاول نسجل حلقات انطباعات سريعة طول فترة المعرض نتمنى تستمتعون ويانا.

نسولف عن تريلر Death Stranding اليديد ونناقش محتواه ونألّف على بعض عن الأشياء الغامضة في القصة وأسلوب اللعب وغيره.

طلال ويعقوب يسولفون عن اخبار بوكيمون الاخيرة مثل Home وSleep و Masters ونخمن عالسريع شلون صايرة Death Stranding قبل لا يبدا بث كوجيما. قبلها يعقوب تحلطم شوي على موقف تبديل بطارية السيارة بِحَر رمضان الحلو.

صار في مشكلة بنص تسجيل الحلقة فجمعت الي قدرت عليه ومشيناها. سوالف كوكتيل ويا طلال واحمد الراشد عن اي ثري وتخبيطات الشركات القديمة.

نسولف ويا أحمد الراشد عن البث الخيري وعن لعبة لعبوها يعقوب ما كان يدري عنها، ونصايح عامة عن السفر لليابان وبعض الأماكن السياحية الحلوة بطوكيو. حمد ساحب علينا. "هيت ميل" لحمد، يالله!

اليوم نسولف ويا أحمد الراشد والشباب عن اكثر الأجهزة المنزلية والمحمولة عزيزة علينا ونتذكر الماضي وتجاربنا مع هذي الأجهزة. سوالف شيّاب. ما في فورتنايت.

نسولف ويا أحمد الراشد عن State of Play الي طاف وفاينال فانتاسي ٧ الريميك والاستعراض اليديد الي عرضوه وشنو راينا فيه. عالسريع.

سوالف عامة خفيفة ولطيفة عن تجهيز القرقيعان وشلون تفوز على Sub Zero وكذا. تدرون، ما يكمل القرقيعان بدون سب زيرو...

الحلقة اليوم خربانة بس يالله نقزّرها وياكم بسوالف (جزئية) عن بطولة Headstomper في السويد وعن الصيام وغيره من السوالف الي مدانا نسولف عنها قبل ما يموت علينا برنامج آنكَر.

نسولف شوي زيادة عن MK11 وبعدين ندردش عن الجيل الياي من سوني بلاي ستيشن وشنو كل واحد فينا يبي منه.

حلقة خفيفة ولطيفة نسولف عن مجتمعات ألعاب القتال بشكل عام وشوي عن MK11 بالإضافة الى تمهيد سوالف الحلقة القادمة عن جهاز سوني الجديد.

نسولف عن معرض GX2019 عالسريع وانطباعات مبكرة جداً عن Samurai Shodown و Mortal Kombat 11 بالإضافة الى Katana Zero.

سولفنا عن الNeoGeo Mini، توقعاتنا عن استخدام الToyCon VR، سوالف تشويقية عن معرض GX القادم، الجو والصيف vs الشتاء، وغيرها من السوالف الي من هني وهناك. حمد اليوم موجود.

بحلقة "الخميس الونيس" هذي ندخل بنقاش عميق (الى حد ما) بخصوص تقنية Google Stadia الجديدة ونطرح بعض آراءنا عن الي فهمناها عن الخدمة، وبعدين نتسائل عن ردة فعل المتنافسين في الصناعة ومدى استعدادهم لخوض معركة جديدة في ساحة عالم ألعاب الفيديو. حمد كان مداوم اليوم.

سوالف ويا حسين عن ألعاب ستايل ديابلو وبعدين ويا بيشو وحمد عن الجو الحلو، هجوم الفراش، الكيت كات والمشروبات الغازية.

نسولف ويا احمد الراشد عن Devil May Cry 5، مستقبل صناعة الألعاب مع مستقبل التقنيات السحابية والمواجهة الشرسة المترقبة بين الشركات مثل مايكروسوفت وقوقل، واحمد يفرد عضلاته بلعبة Tetris 99 مع بيشو. حمد حضر اليوم بس كان ساحب مبدئياً.

نسولف عن ريجي وباوزر، هالجيل الخارق للألعاب وبداية جيل ذهبي جديد لكابكوم، وشوية سوالف عن اخر الألعاب الي لعبناها من غير ما نخلي حلقة ديوانية لهالأسبوع ما لها فايدة. اليوم حمد كان موجود.

نسولف عن نينتندو دايركت والنادي وبعض الألعاب. هالمرة حمد موجود.

نسولف عن Apex Legends وعن Dungeons & Dragons وتكفى حمد داوم ببودكاستك اسمك فيه

نسولف عن المواقف الي يسلمون علينا بالدوام بس لما نكون بنص مكالمة هاتفية، اخر الألعاب الي احنا وحمد لعبناها مثل Resident Evil 2, Travis Strikes Again: No More Heroes، أخبار عن باتل رويال Respawn اليديدة Apex Legends والمزيد من السوالف المتنوعة والطيبة.

رجعنا لكم مع ألو حمد! في هذا الجو الرطب وسولفنا عن آخر الالعاب الي لعبناها عالسريع، بعض الاخبار الي سمعناها وعن الكفاح بالنادي الصحي.

انطباعاتنا السريعة لمؤتمرات Square Enix، PC Gaming Show، Ubisoft و Sony لمعرض E3 2018.

انطباعاتنا لمؤتمرات EA، Microsoft و Bethesda في معرض E3 2018. عالسريع.

التكييف خربان ويعقوب زعلان، وحمد رايح يشتري شاي اخضر بالسوق. نسولف عن آخر الاعلانات الي قبل معرض إي ثري وسوالف وايد عن الالعاب القتالية المختلفة.

مغامرات يعقوب مع تجديد جواز السفر وسوالف مع حمد وحسين عن آخر الالعاب الي لعبناها.

سوالف ويا حمد عن إعلانات بوكيمون الجديدة "عالسريع"، بعض التسريبات الخاصة بكابكوم وآخر الكلام عن سبلنتر سِل بلاك لست والسلسلة هذي بشكل عام.

سوالف ويا بيشو عن العاب رمضان والرغبة بالحداق. ولا تنسون تبتسمون وانتوا صايمين!

نتصل على حمد وهو بالجمعية يشتري ماجلة البيت ونسولف عن اشياء مختلفة، مثل شلون لو تتحلمون ما تدخلون على الطبيب بالسويد الا لما الرئيس الأخير (السستر) تسمح لك.

سوالف عامة عن بعض الالعاب ويشاركنا احمد الراشد من فريق شبكة العاب وبعض الاخبار خلف الكواليس هنا وهناك.

حلقة تجريبية حق برنامج بسيط بغينا فيه ندخل حمد بالتسجيل. ما في هدف معين، بس سوالف عن اي شي يخطر ببالنا. التسجيل عن طريق التيلفون فلا تستغربون تفاوت نقاوة الصوت بين الشباب أو حتى أصوات سيارات لأننا حرفياً نسجل واحنا طالعين. نتمنى لكم استماع ممتع!

Autor: مفتاح محمد السلطني