))
==== भारतीय प्रचलित भाषा जिनके एक लाख से दस लाख वक्ता (३०-६०) - "खुशखबरी", "जीवन के शब्द", "इँजील गीत" / / INDIAN POPULAR LANGUAGES THAT HAVE 100,000 TO ONE MILLION SPEAKERS(FROM No.30 TO No.60) - "GOOD NEWS", "WORDS OF LIFE", "GOSPEL SONGS"====
«
»
Koya Language - "Words of Life No.1".mp4
Manage episode 377565263 series 3513440
Treść dostarczona przez Tze-John Liu. Cała zawartość podcastów, w tym odcinki, grafika i opisy podcastów, jest przesyłana i udostępniana bezpośrednio przez Tze-John Liu lub jego partnera na platformie podcastów. Jeśli uważasz, że ktoś wykorzystuje Twoje dzieło chronione prawem autorskim bez Twojej zgody, możesz postępować zgodnie z procedurą opisaną tutaj https://pl.player.fm/legal.
कोया भाषा - "जीवन के शब्द नंबर 1" mp4 // ୧ କରନ୍ତିୟ 13 - ପ୍ରେମ୍1ନାନ୍ ନାରୁଡ଼ାଦ୍ ଗଟ୍ ଦୂତନ୍ ଗଟ୍ତେ କେତ୍ ପାର୍କେ ମିକା, ନା ଜିୱୁଣ୍ଡ୍ତାଗ୍ ପ୍ରେମ ଇଲୁକ୍, ନାନ୍ ମାତର୍ ଅଣ୍ଡୟ୍ ଲେଙ୍ଗ୍ଦେ ନେକାନ୍ ଗାଣ୍ଟା, ଇଲୁକ୍ ଅଣ୍ଡୟ୍ତଡ଼୍ ପେଞ୍ଚାନ୍ କାୟ୍କ୍ ଲେଙ୍ଗ୍ । 2ମାତିଉ ୧୭:୨୦; ୨୧:୨୧; ମାର୍କ ୧୧:୨3.ସାୟେ ଗଟ୍ତେ ଇଶ୍ୱର୍ତେ କାବୁର୍ କେତାନଙ୍କ୍ ନାୟାଗ୍ ଶାତ୍ୱାମ୍ ମାତ୍କେମିକା । ସାର୍ରେ ବିଷୟ୍ତେ ବୁଦ୍ ମାତ୍କେମିକା, ସାର୍ରେ ଲୋପେତ୍ ବିଷୟ୍ ବୁଜେମ୍ ଆଦାନଙ୍କ୍ ଶାତ୍ୱାମ୍ ମାତ୍କେମିକା, ବିଶ୍ୱାସ୍ ତଡ଼୍ ମେଟେତିଙ୍କ୍ ଗୁସ୍ପାନଙ୍କ୍ ବପୁ ମାତ୍କେମିକା; ଆଗେକ୍ବା ନାୟାଦ୍ ପ୍ରେମ୍ ଇଲୁକ୍, ନାନ୍ ବାତ୍ ଆୟନ୍ । 3ଯଦି ନାନ୍ ଗରିବ୍ ନାରୁଡ଼୍କ୍ ନାର୍ଗେ ଦାନ ମାଡ଼େପାର୍ଦ୍ତାନ୍ ବା କିସ୍ତାଗ୍ କାର୍ୱାନଙ୍କ୍ ନା ମେନ୍ଦୁଲ୍ତିଙ୍କ୍ ଇଦେପାର୍ଦ୍ତାନ୍, ଆଗେକ୍ବା ନା ଜିୱୁଣ୍ଡ୍ତାଗ୍ ପ୍ରେମ୍ ଇଲ୍ଲେ, ଆୱୁସାର୍ରେ ନା ସେଙ୍ଗେ ଆଙ୍ଗ୍ଡ଼ାମ୍ । 4ପ୍ରେମ ଗାଡ଼୍ସ୍ ନୁ ସାୟେ । ପ୍ରେମ୍ କପାମ୍ ବା ଅବିମାନ୍ ବା ଅହଙ୍କାରୀ ଆୟ୍ୟ । 5ପ୍ରେମ୍ ରୁକ୍ଷ ବା ସ୍ୱାର୍ତପର୍ ଆୟ୍ୟ, ଆଙ୍ଗ୍ଡ଼ାମ୍ କପାମ୍ ଆୟ୍ୟ । ପ୍ରେମ ତାନ୍ ସେଙ୍ଗେ ମାଡ଼୍ତେ ଅନ୍ୟାୟ୍ତାଦ୍ ଇସାପ୍ ନେଃଏୱ । 6ପ୍ରେମ ଅଦର୍ମତଡ଼୍ ୱେଡ଼୍କ୍ ମାଡ଼, ସତ୍ ତଡ଼୍ ଆଦିନାଦ୍ ୱେଡ଼୍କ୍ । 7ପ୍ରେମ ସାର୍ରେ ସାରେ ମାଡ଼ିତ୍ । ଆଦିନାଦ୍ ସାର୍ରେ ବିଶ୍ୱାସ୍ ମାଡ଼ିତ୍, ସାର୍ରେ ଆଶେ ମାଡ଼ିତ୍; ବାତ୍ଆଇ ତିପାଲ୍ୱେଲେ ଗାଡ଼୍ସ୍ ଆରେମ୍ ଆୟ୍ୟ । 8ପ୍ରେମ ବେସୁଟ୍ ତେର । ଇଶ୍ୱର୍ତାଗାଙ୍କ୍ କାବୁର୍ ମାଇ ଆଦ୍ତେ । ଆଶ୍ଚର୍ଯ୍ୟ ଗଟ୍ତେ ତିର୍ୟାନାଦ୍ ଶକ୍ତି ଦଂସ ଆଦ୍ତେ, ନାରୁଡ଼ାୱୁ ବୁଦ୍ତେ ମାୟିଆଦ୍ତେ । 9ବାତେଙ୍କ୍ଇତ୍କେ ମାନ୍ ବୁଦ୍ତେ ଦାନାମ୍ ନୁ ଇଶ୍ୱର୍ତାଗାଙ୍କ୍ କାବୁର୍ କେତାନାଦ୍ ଦାନ ମାତର୍ ସୁଦୁଟ୍ ସମୟ୍ତିଙ୍କ୍ । 10ଇତ୍କେ ସାର୍ରେ ବିଷୟ୍ତାଦ୍ ସାରେ ଆତ୍କେ, ଇୱୁ ସୁଦୁଲାୱୁ ବିଷୟ୍ ସାର୍ରେ ମାୟିଆଦ୍ତା ।11ନାନ୍ ସୁଦୁର୍ ମାନ୍ଦାନ୍ୱେଲେ ନାୟାୱୁ ଗଟି, ଆଲ୍ସାନାଦ୍ ନୁ ଚିନ୍ତେ ପିଲାନ୍ ଲେକାମ୍ ମାତ୍ତା । ଇତ୍କେ ବୟସ୍ ଆତ୍ତେ ପେର୍କେ ଇଞ୍ଜେ ନାନ୍ ମେଣ୍ଡେ ପିଲେ ଲେକେମ୍ ବ୍ୟବହାର୍ ମାଡ଼ନ୍ । 12ଇଞ୍ଜେ ମାମ୍ମେ ବାତ୍ ଉଡ଼ୁତମ୍, ଆଦ୍ ଦର୍ପନ୍ତାଗ୍ ତନ୍ଦାନ୍ ମକମ୍ ଲେକାମ୍ । ଇତ୍କେ ଦିନାମ୍ ୱାଦ୍ତେ, ଆସୁଟେ ଆଦ୍ ମାନାଡ଼୍ ମୁନ୍ନେ ଉଡ଼ିତାଡ଼୍ । ଇଞ୍ଜେ ନାନ୍ ବାତ୍ ପୁନ୍ଦ୍ତାନ୍, ଆୱୁସାର୍ରେ ମାୟା । ଇଶ୍ୱର୍ ନାକିଂଙ୍କ୍ ସାରେ ପୁତ୍ତେ ଲେକାମ୍ ଆସୁଟେ ନାୟାଦ୍ ବୁଦ୍ତେ ଗାଲା ସାରେ ଆଦ୍ତେ ।13ବିଶ୍ୱାସ୍, ଆଶେ ନୁ ପ୍ରେମ ଇୱୁ ମୁଣ୍ଡ୍ ସାର୍ରେଦିନା ମାନ୍ଦାନ୍ ବିଷୟ୍ ଲୋପେଙ୍କ୍ ପ୍ରେମ କେ ବେଡ଼ିୟାଦ୍।
…
continue reading
102 odcinków
Udostępnij
