))
Prominenzas en viadi tras il Grischun 1794–1874
Manage episode 428848782 series 3017674
Treść dostarczona przez Radiotelevisiun Svizra Rumantscha (RTR). Cała zawartość podcastów, w tym odcinki, grafika i opisy podcastów, jest przesyłana i udostępniana bezpośrednio przez Radiotelevisiun Svizra Rumantscha (RTR) lub jego partnera na platformie podcastów. Jeśli uważasz, że ktoś wykorzystuje Twoje dzieło chronione prawem autorskim bez Twojej zgody, możesz postępować zgodnie z procedurą opisaną tutaj https://pl.player.fm/legal.
Il temp da stad è il temp da viagiar. Entant ch'ils Svizzers tschertgan il chaud en pajais esters, vegnan turists d'utro en il Grischun per giudair la vita muntagnarda. Giasts d'auters pajais che visitan noss chantun devi gia en il 18 e 19avel tschientaner. Scrivents, picturs, artists e musicists han descrit il Grischun or da lur optica. La lingua rumantscha sco lingua barbara, lufs fomentads e cuntradas pittorescas. Uschia ha per exempel l'american James Fenimor Cooper, autur dal roman «Il davos Mohican», observà il 1828 che la situaziun linguistica en Grischun saja sumeglianta sco tra ils Indians americans. En cumpagnia da l'istoricher Adolf Collenberg faschain nus in viadi tras il Grischun cun Cooper, Bakunin, il revoluzer russ, il Svizzer Carl Spitteler ch'ha retschavì il premi nobel da litteratura ed ulteriuras persunas prominentas americanas, englaisas, polacas e germanas. Dal 2007 enfin il 2016 ha RTR emess emna per emna l'emissiun FORUM. Persunas dal fatg or dal champ da la scienza han preschentà, declerà ed analisà fenomens, svilups e dumondas da la vita e da la societad. Pliras da questas analisas ed invistas èn restadas actualas, uschia che nus repetin durant la stad ina selecziun or dals var 500 Forums. Il Forum dad oz è vegnì emess per l'emprima giada il zercladur 2013.
…
continue reading
52 odcinków
Udostępnij
